طريقة التسجيل في الجامعات الكندية
قريت وعندك ديبلوم وحاب تروح لكندا وماكش عارف منين تبدا ⁉️
ساهلة أخي،
راني عارف راها شوية مخلطة، ماعليش درك نفهمك وحدة وحدة:
باه تروح لكندا عن طريق الدراسة يجب عليك دير فيزا دراسة (أو مايعرف ب Permis_détude أو PE أو Visa_détude). باه دير فيزا دراسة لازمك تمر بالخطوات الثلاثة:
خطوات التسجيل
الخطوة 1:
تسجل في برنامج في جامعة: يعني لازمك تختار جامعة ثم تدخل في موقعها على الانترنيت ثم تختار برنامج يناسب تخصصك لي قريتو من قبل. مثلا أنت قريت بيولوجي L2 وحاب تقرى في كندا، من الأحسن انك تقرا في كندا وتختار برنامج دراسي في البيولوجي وتختار session d'étude : Hiver 2022
أو Automne 2022.
صحا ، الهدرة ساهلة درك قلي كيفاه أنا نعرف البرنامج لي يناسبني راني مافاهم والو 🤔‼️
ساهلة أخي
درك نشرحلك كيف تختار البرنامج الذي يناسبك حسب الحالة لي راك فيها انت:
✅لي عندو تارمينال يسجل DEC في CEGEP 🇨🇦
✅لي عندو تارمينال + تقني سامي يسجل بكالوريا أو DEC في تخصصه🇨🇦
✅لي عندو بكالوريا أو L1 أو L2 أو L3 يسجل بكالوريا في واش يحب, ومن الأحسن نفس التخصص لي راه فيه🇨🇦
✅لي عندو ليسانس + ماستر 1 أو ماستر 2 يسجل ميترتيز في تخصصه
✅لي عندو PHD او سنة 2 أو 3 او 4 او 5 دكتورا يسجل دكتورا في تخصصه🇨🇦
مثال: أنت عندك ليسانس (L3) في informatique إذن البرنامج لي يناسبك في جامعة كندية هو بكالوريا في الإعلام الآلي ***
راك قتلتنا ب DEC و ميتريز....‼️ماراني فاهم فيها والو 😔😰⁉️
ماعليش أخي هاهو الشرح تاع كل كلمة:
يعادل تقني سامي في الجزائر DEC 🇨🇦 = 🇩🇿
في الجزائر CEGEP🇨🇦 = 🇩🇿 Lycée
Baccalauréat 🇨🇦 = 🇩🇿Licence
Maîtrise🇨🇦 = 🇩🇿 Master 1 + Master 2
Phd 🇨🇦 = 🇩🇿 Doctorat
الان ماعليك هو تسجل في الجامعة وتتبع الخطوات التي تطلبها الجامعة. ياسين بصح.....‼️ خويا هاك فيديو يشرح كيفية التسجيل في جامعة لافال
https://youtu.be/xJjfOQoDKfw
رابط جامعة لافال: www.ulaval.ca
وفيديو آخر يشرح طريقة التسجيل في جامعة Sainte-Anne
https://youtu.be/xFg7qAvd8R0
رابط الجامعة: www.usainteanne.ca
الخطوة 2 :
بعد التسجيل في الجامعة والحصول على موافقة الجامعة (Admission). إذا اخترت جامعة تقع في مقاطعة كيبك مثل جامعة لافال التي تقع في مقاطعة كيبك لازمك دير
CAQ (certificat d'acceptationdu Québec)
بصح واش هو CAQ‼️ خويا بلاما نطولو بزاف CAQ هذا كيما لي يحب يدخل لحاسي مسعود لازمو laissez passer, أفهمها كيما هك لي يحب يدخل ويعيش في كيبك لازمو laisser passer (CAQ)
لطلب CAQ ادخل إلى الرابط، ولكن لازم تكون عندك الادميسيون تاع الجامعة قبل ما دير طلب CAQ
https://www.immigration-quebec.gouv.qc.ca/fr/services/caq-electronique/nouvelle-demande.html
وإذا اخترت جامعة خارج مقاطعة كيبك مثل جامعة Sainte Anne التي تقع في مقاطعة NOVA SCOTIA في هذي الحالة ما ديرش CAQ
الخطوة 3 :
دفع ملف فيزا دراسة (Permis d'étude)
عليك الدخول الى موقع وزارة الهجرة الكندية ودير Demande de visa d'étude en ligne, واول حاجة ديرها هي فتح كونط CléGC عبر موقع وزارة الهجرة الكندية
https://www.canada.ca/fr/immigration-refugies-citoyennete/services/demande/compte.html
ومن بعد كندا تبقى تتواصل معاك عبر الكونط CléGC وتقولك واش لازم دير من وثائق والفورميلار لي لازم تعمرهم ومتى لازمك ديرهم، مثل:
données biometriques, visite médicale.....
أخي الكريم بارطاجي من فضلك 🙏 خلي الناس تستفيد
